Proxectos

Proxectos desenvolvidos por Raiceiros

A seguir achegamos unha relación de proxectos desenvolvidos por Raiceiros desde 2001, indicando os produtos que se obtiveron a partir de cada un deles, e remitindo no seu caso ás páxinas específicas nas que se pode atopar información de cada un.

Ulla naturalmente (2019)

Caderno de actividades ‘Ulla naturalmente’, dirixido a alumnado de Primaria dos concellos ribeiráns do río Ulla, e acompañado por unha caixa de lapis de cores.

Ballesteros. O fotógrafo (2016)

Homenaxe ó fotógrafo de Luis Ballesteros Martínez (San Pedro de Vilanova, Vedra, 1916), coincidindo co seu cen aniversario.

Libro ‘Ballesteros. O fotógrafo’
Exposicións: en sala e ó aire libre
Obradoiros de fotografía
Audiovisual ‘Ballesteros. O fotógrafo’

As pontes do río Ulla (2013)

Percorrido polo río Ulla a través de 71 pontes, pontellas, pasos e pontes en ruínas.

Portada do libro ‘As pontes do río Ulla’. A foto da portada é de Manuel García Torre

Libro ‘As pontes do río Ulla’
Exposición
Xogo ‘De ponte en ponte polo río Ulla’
Audiovisual

Cántigas da Ulla (2010)

Recollida de coplas no Val do Ulla, 50 das cales foron publicadas acompañadas por ilustracións.

Libro ‘Cántigas da Ulla’
Libro ‘Coplas ulláns’
Exposición
Audiovisual
Obradoiros de recollida de coplas no Val do Ulla e en Cuba

Inauguración da exposición do proxecto ‘Cántigas da Ulla’ na estación de tren de Santa Cruz de Ribadulla (Vedra) en 2010. Foto: Henrique Neira

Gundián. Achegamento a unha paisaxe natural e humana (2008)

Achegamento á construción do viaduto ferroviario do Gundián (Vedra-A Estrada) rematado en 1958, e á cultura da contorna.

Libro ‘Gundián. Achegamento a unha paisaxe natural e humana’
Exposición
Audiovisual

O Val do Ulla (2007)

Publicación sobre a comarca natural do Val do Ulla, que inclúe parte dos concellos da Estrada, Boqueixón, Teo e Vedra e mais algunhas das parroquias limítrofes dos concellos de Padrón, Touro, Vila de Cruces e Silleda.

Libro ‘O Val do Ulla. Unha comarca natural’

Mostra activa de fotografía (2002)

Exposición de fotografía de Xesús Mougán Castelao (Santa Cruz de Ribadulla, Vedra).

Exposición ‘Mostra activa de fotografía’

A requinta da Ulla (2001)

Estudo e recuperación da frauta traveseira coñecida como ‘requinta da Ulla’.

Folleto ‘A requinta da Ulla’
Folleto ‘Descrición dunha requinta’
Documental ‘Requinteiros. Músicos da Ulla’
Exposición de instrumentos musicais tradicionais
Xogos sobre instrumentos musicais tradicionais
Obradoiros e concertos en distintos puntos de Galicia, así como noutras localidades españolas e en Bos Aires (Arxentina)

Proxectos nos que participou Raiceiros

Espazo Activo da Ulla (2010-actualidade)

Raiceiros colabora cada ano desenvolvendo actividades en cada edición e achegando as súas exposicións a este encontro en San Miguel de Sarandón (Vedra), que nos últimos anos se complementou coa xornada Pasabodeghas, destinada a promocionar o viño e a música tradicional da Ulla.

Exaltación do Viño da Ulla (2005-actualidade)

Raiceiros colabora cada ano coa elaboración dun artigo para a publicación que se edita en cada edición e achegando as súas exposicións a esta festa en San Miguel de Sarandón (Vedra)

Curtea Comediantilor (2005-2007-2008-2009)